Фоларин Балоган "Арсенал"нинг асосий жамоасидан алоҳида машғулот ўтказмоқда, бу эса ҳужумчининг яқин орада жамоани тарк этишини англтиши мумкин.
"Арсенал" ёзда трансферлар учун Деклан Райс, Кай Хаверц ва Юрриен Тимберни сотиб олиш учун 200 миллион фунт стерлинг сарфлади. Шу боис, айни дамда “канонирлар” бор эътиборини бир нечта футболчилар билан хайрлашишга қаратган.
"Арсенал"нинг трансфер учун мавжуд бўлган энг қимматли активларидан бири бу 22 ёшли Балоган бўлиб, у "Реймс"да ижара асосида 21 гол урган. "Канонирлар" Фоларин учун 50 миллион фунт стерлинг талаб қилишмоқчи.
Балоган МЛС юлдузлари жамоасига қарши мавсумолди ўйинида асосий таркибда майдонга тушди, бироқ ўтган шанба куни "Манчестер Юнайтед"га қарши ўйинда захирадан майдонга тушди.
Душанба куни эса Балоган Лос-Анжелесдаги шахсий мураббий назорати остида индивидуал машғулотлар билан чекланди, дея хабар бермоқда The Athletic нашри.
Кўринишидан, "Интер", "Милан", "Монако" ва "Марсель" клублари қизиқиш билдираётган америкалик футболчи "Арсенал"дан кетишга яқинлашмоқда.
