Folarin Balogan "Arsenal"ning asosiy jamoasidan alohida mashg‘ulot o‘tkazmoqda, bu esa hujumchining yaqin orada jamoani tark etishini angltishi mumkin.

"Arsenal" yozda transferlar uchun Deklan Rays, Kay Xavers va Yurriyen Timberni sotib olish uchun 200 million funt sterling sarfladi. Shu bois, ayni damda “kanonirlar” bor e’tiborini bir nechta futbolchilar bilan xayrlashishga qaratgan.

"Arsenal"ning transfer uchun mavjud bo‘lgan eng qimmatli aktivlaridan biri bu 22 yoshli Balogan bo‘lib, u "Reyms"da ijara asosida 21 gol urgan. "Kanonirlar" Folarin uchun 50 million funt sterling talab qilishmoqchi.

Balogan MLS yulduzlari jamoasiga qarshi mavsumoldi o‘yinida asosiy tarkibda maydonga tushdi, biroq o‘tgan shanba kuni "Manchester Yunayted"ga qarshi o‘yinda zaxiradan maydonga tushdi.

Dushanba kuni esa Balogan Los-Anjelesdagi shaxsiy murabbiy nazorati ostida individual mashg‘ulotlar bilan cheklandi, deya xabar bermoqda The Athletic nashri.

Ko‘rinishidan, "Inter", "Milan", "Monako" va "Marsel" klublari qiziqish bildirayotgan amerikalik futbolchi "Arsenal"dan ketishga yaqinlashmoqda.