Россиялик мутахассис Станислав Черчесов хизматларига Саудия Арабистонининг "Ал-Аҳли" клуби қизиқаётгани ҳақида ОАВда маълумот пайдо бўлди. Бу хабарларга россиялик мутахассис фикр билдирди.
"Ференцварош"дан кетганимдан сўнг, менга бир қанча клублар, жумладан, хорижий клублар вакиллари қўнғироқ қилишди. Аммо, мен сизга интервьюда айтганимдек, қарор қабул қилишга шошилмайман", - деди Черчесов "Спорт-Экпресс" нашрига.
Эслатиб ўтамиз, айни дамда Россия терма жамоасининг собиқ мураббийи Чемпионлар лигасини тарк этгач, Венгриянинг "Ференцварош" мураббийлигидан бўшатилганидан кейин ишсиз юрибди.
Бунгача 59 ёшли мутахассис пойтахтнинг “Спартак” ва “Динамо”, Польшанинг “Легия” ва бошқа клубларини бошқарган.
