"МЮ" устози Эрик тен Хаг ва "Арсенал" менежери Микель Артета дунёнинг энг яхши ҳақ тўланадиган мураббийлари сирасига кирмайди. Бу эса одамни ажаблантиради, албатта. Энг яхшилар қаторидан бу борада "Ливерпуль", "Манчестер Сити", "Бавария", "Ювентус", "Барселона" ва "Реал" каби клублар мураббийлари эътироф этилган.
Диего Симеоне балки дунёнинг энг катта клубида ишламас. Аммо унинг оладиган маоши бошқаларникидан анча яхшидир. Айни дамда Симеоне бир клубда узлуксиз ишлаб келаётган мураббийлар ичида биринчи ўринда турибди. У 2011 йилдан бери "Ателтико"ни бошқаради. Аргентиналик мутахассис бу давр мобайнида икки бор Ла-лигани қўлга киритди. Жамоасини икки марта ЕЧЛ финалига олиб чиқди. Қолаверса, унинг даврида "Атлетико" тинимсиз ЕЧЛ қатнашчиси бўлиб келмоқда. Хабарларга кўра, Симеоне йилига 34 миллион евро маош олади. Унинг амалдаги битими эса 2024 йилга қадар мўлжалланган.
АПЛ дунёнинг энг томошабоп лигаси сифатида катта фойда кўради. Шундай бўлсада, инглиз клублари мураббийга маош тўлаш масаласида анча хасис экан. Бу борада кучли 12 талик ичидан фақат учта АПЛ клуби жой олган холос. Хусусан, "Манчестер Сити" устози Гвардиола ва "Ливерпуль" вакили Юрген Клопп, рўйхатнинг иккинчи ва учинчи ўрнидан жой олган.
Рўйхатга янги кирган ном бу Стивен Жеррарддир. Унинг "Ал-Иттифоқ"да иш бошлаши, йирик маош олишини таъминлади. Шу сабабдан Жеррард иш ҳақи борасида АПЛнинг кўплаб мураббийларини қувиб ўтди ва тўртинчи ўринга жойлашди.
"Ювентус" мураббийи Макс Аллегри, "Бавария" вакили Томас Тухель ва "Реал" устози Карло Анчелоттилар мос равишда бешинчи, олтинчи ва еттинчи ўринларни банд этганлар. Рўйхатда Жозе Моуриньо номини кўриш ҳамма учун нормал ҳолатдир. Аммо "Вольфсбург" бош мураббийи Нико Ковачнинг 12 талик рўйхатга кириши ҳайрон қоларли ҳолат. Шунингдек, сўнгги ном Хави бўлиб, "Барселона" унга тез орада яхшироқ маошни кўзда тутадиган битим таклиф этиши айтилган.
Қуйида тўлиқ рўйхат тақдим этилади.
1. Диего Симеоне – 34 миллион евро
2. Пеп Гвардиола – 22 миллион евро
3. Юрген Клопп – 18 миллион евро
4. Стивен Жеррард – 17.6 миллион евро
5. Массимилиано Аллегри – 12.8 миллион фунт
6. Томас Тухель – 12 миллион евро
7. Карло Анчелотти – 11 миллион евро
8. Симеоне Инзаги – 10 миллион евро
9. Жозе Моуриньо – 9 миллион евро
10. Хаби Алонсо – 5 миллион евро
11. Нико Ковач – 4 миллион евро
12. Хави – 3.8 миллион евро
ИСМАТОВ Ж.
