"MYU" ustozi Erik ten Xag va "Arsenal" menejeri Mikel Arteta dunyoning eng yaxshi haq to‘lanadigan murabbiylari sirasiga kirmaydi. Bu esa odamni ajablantiradi, albatta. Eng yaxshilar qatoridan bu borada "Liverpul", "Manchester Siti", "Bavariya", "Yuventus", "Barselona" va "Real" kabi klublar murabbiylari e’tirof etilgan.
Diyego Simeone balki dunyoning eng katta klubida ishlamas. Ammo uning oladigan maoshi boshqalarnikidan ancha yaxshidir. Ayni damda Simeone bir klubda uzluksiz ishlab kelayotgan murabbiylar ichida birinchi o‘rinda turibdi. U 2011 yildan beri "Ateltiko"ni boshqaradi. Argentinalik mutaxassis bu davr mobaynida ikki bor La-ligani qo‘lga kiritdi. Jamoasini ikki marta YECHL finaliga olib chiqdi. Qolaversa, uning davrida "Atletiko" tinimsiz YECHL qatnashchisi bo‘lib kelmoqda. Xabarlarga ko‘ra, Simeone yiliga 34 million yevro maosh oladi. Uning amaldagi bitimi esa 2024 yilga qadar mo‘ljallangan.

APL dunyoning eng tomoshabop ligasi sifatida katta foyda ko‘radi. Shunday bo‘lsada, ingliz klublari murabbiyga maosh to‘lash masalasida ancha xasis ekan. Bu borada kuchli 12 talik ichidan faqat uchta APL klubi joy olgan xolos. Xususan, "Manchester Siti" ustozi Gvardiola va "Liverpul" vakili Yurgen Klopp, ro‘yxatning ikkinchi va uchinchi o‘rnidan joy olgan.
Ro‘yxatga yangi kirgan nom bu Stiven Jerrarddir. Uning "Al-Ittifoq"da ish boshlashi, yirik maosh olishini ta’minladi. Shu sababdan Jerrard ish haqi borasida APLning ko‘plab murabbiylarini quvib o‘tdi va to‘rtinchi o‘ringa joylashdi.

"Yuventus" murabbiyi Maks Allegri, "Bavariya" vakili Tomas Tuxel va "Real" ustozi Karlo Anchelottilar mos ravishda beshinchi, oltinchi va yettinchi o‘rinlarni band etganlar. Ro‘yxatda Joze Mourinyo nomini ko‘rish hamma uchun normal holatdir. Ammo "Volfsburg" bosh murabbiyi Niko Kovachning 12 talik ro‘yxatga kirishi hayron qolarli holat. Shuningdek, so‘nggi nom Xavi bo‘lib, "Barselona" unga tez orada yaxshiroq maoshni ko‘zda tutadigan bitim taklif etishi aytilgan.
Quyida to‘liq ro‘yxat taqdim etiladi.

1. Diyego Simeone – 34 million yevro
2. Pep Gvardiola – 22 million yevro
3. Yurgen Klopp – 18 million yevro
4. Stiven Jerrard – 17.6 million yevro
5. Massimiliano Allegri – 12.8 million funt
6. Tomas Tuxel – 12 million yevro
7. Karlo Anchelotti – 11 million yevro
8. Simeone Inzagi – 10 million yevro
9. Joze Mourinyo – 9 million yevro
10. Xabi Alonso – 5 million yevro
11. Niko Kovach – 4 million yevro
12. Xavi – 3.8 million yevro

ISMATOV J.