"Барселона" вице-президенти Мбаппенинг "Реал"га ўтиши ҳақидаги фикрларини айтди

"ПСЖ" ҳужумчиси "қироллик клуби"нинг узоқ йиллик нишони ҳисобланади. Франциялик футболчининг трансфери жорий трансфер ойнаси ёпилгунга қадар, агар мадридликлар "ПСЖ" талабларини қондиришга рози бўлса ёки бир йилдан сўнг футболчи эркин агентга айланганда амалга ошиши мумкин.

"Мбаппе ва Реал Мадрид? Мен бу ҳақда ташвишланмайман. Мен бу ерга миш-мишларни муҳокама қилиш учун келганим йўқ. Мени хавотирга солаётган ягона нарса жамоамиз, Хави келганидан кейин яхшиланиб бораётган жамоамиз", - деди Юсте.