Ҳужумчи Александр Сёрлот "Вильярреал"га ўтди.
Норвегиялик футболчи “сариқ сувости кемаси” билан расман шартнома имзолади, деб хабар бермоқда испан клуби матбуот хизмати. 27 ёшли ҳужумчи билан шартнома муддати ошкор этилмаган. Инсайдер Фабрицио Романонинг сўзларига кўра, трансфер бонус пулларини ҳисобга олган ҳолда “Вильярреал”га 10 миллион еврога тушган.
Александр Сёрлот аввалроқ Германиянинг "РБ Лейпциг" клубига тегишли эди. Футболчи аввалги икки мавсумни “Реал Сосьедад”да ижара асосида ўтказган ва у барча турнирларда 90 та ўйинда 24 та гол ва 5 та голли узатмани амалга оширган.
