Hujumchi Aleksandr Syorlot "Vilyarreal"ga o‘tdi.

Norvegiyalik futbolchi “sariq suvosti kemasi” bilan rasman shartnoma imzoladi, deb xabar bermoqda ispan klubi matbuot xizmati. 27 yoshli hujumchi bilan shartnoma muddati oshkor etilmagan. Insayder Fabrisio Romanoning so‘zlariga ko‘ra, transfer bonus pullarini hisobga olgan holda “Vilyarreal”ga 10 million yevroga tushgan.

Aleksandr Syorlot avvalroq Germaniyaning "RB Leypsig" klubiga tegishli edi. Futbolchi avvalgi ikki mavsumni “Real Sosyedad”da ijara asosida o‘tkazgan va u barcha turnirlarda 90 ta o‘yinda 24 ta gol va 5 ta golli uzatmani amalga oshirgan.