"Арсенал" бош мураббийи Микель Артета ҳимоячи Киран Тирни бўйича келажакдаги режалари ҳақида гапирди. Эслатиб ўтамиз, шотландиялик футболчи аввалроқ ушбу трансфер ойнасини тарк этиш мумкинлиги ҳақида хабар тарқалганди.
"Тирни менинг келажак режаларимга киради. У мавсум олдидан ҳар бир ўйинда, жумладан, шанба куни "Манчестер Юнайтед"га қарши ўйинда яхши кўринди. Биз жамоада юқори рақобатни сақлаб қолиш ва ҳар бир футболчининг индивидуал даражасини оширишни истаймиз. Бу жамоанинг ўзини янги босқичга кўтаришга ёрдам беради", - деди Артета матбуот анжуманида.
Олдинроқ Тирни "Ньюкасл"га ўтиши мумкинлиги ҳақида хабарлар тарқалганди. "Ньюкасл" ҳали шотландиялик футболчини трансфер қилиш учун фаол қадам ташлагани йўқ.
