"Arsenal" bosh murabbiyi Mikel Arteta himoyachi Kiran Tirni bo‘yicha kelajakdagi rejalari haqida gapirdi. Eslatib o‘tamiz, shotlandiyalik futbolchi avvalroq ushbu transfer oynasini tark etish mumkinligi haqida xabar tarqalgandi.
"Tirni mening kelajak rejalarimga kiradi. U mavsum oldidan har bir o‘yinda, jumladan, shanba kuni "Manchester Yunayted"ga qarshi o‘yinda yaxshi ko‘rindi. Biz jamoada yuqori raqobatni saqlab qolish va har bir futbolchining individual darajasini oshirishni istaymiz. Bu jamoaning o‘zini yangi bosqichga ko‘tarishga yordam beradi", - dedi Arteta matbuot anjumanida.
Oldinroq Tirni "Nyukasl"ga o‘tishi mumkinligi haqida xabarlar tarqalgandi. "Nyukasl" hali shotlandiyalik futbolchini transfer qilish uchun faol qadam tashlagani yo‘q.
