"Пахтакор" Суперлига иккинчи даврасини Тошкентнинг яна бир жамоаси "Олимпик"ка қарши баҳс билан бошлайди.
Чемпионатлар тарихида ҳозирча жамоалар уч бор тўқнаш келган. Бир ўйинда "Олимпик" зафар қучган, икки учрашув 1:1 ҳисобидаги дуранг билан якунланган. Шунингдек, кубокдаги бир тўқнашув "Пахтакор" фойдасига ҳал бўлган.
"Олимпик" таркибида "Пахтакор"нинг кўплаб тарбияланувчилари икки йилдан бери ўйнаб келишмоқда. Ушбу клуб сафига жами 15 нафардан ортиқ "Пахтакор" академиясидан етишиб чиққан футболчилар жалб этилган.
"Олимпик" ва "Пахтакор" жамоалари ўртасидаги ўйин 28 июль, жума куни соат 20:00да "Жар" стадионида бошланади.
