"Барселона" ярим ҳимоячиси Илкай Гюндоган янги клубига мослашиши учун вақт кераклигини айтди. Асли туркиялик бўлган немис "Манчестер Сити"ни тарк этгач, текинга "кўк-анорранглилар" сафига ўтди.
"Мен ўз позициямни яхши биламан, лекин янги жамоадошларимга мослашишим керак. Биз ўйнамоқчи бўлган футбол ҳақида аниқ тасаввурга эгамиз. Сабрли бўлиш муҳим", - деди Гюндоган “Арсенал”га қарши ўйиндан кейин берган интервьюсида.
Эслатиб ўтамиз, Гюндоган "Барселона" сафида Лондоннинг "Арсенал" жамоасига қарши ўртоқлик ўйинида майдонга тушган ва Каталония жамоаси 3:5 ҳисобида мағлуб бўлган эди.
