"Милан" ҳимоячиси Фикайо Томори ҳужумкор ярим ҳимоячи Кристиан Пулишичнинг клубга ўтиши ҳақида фикр билдирди.

"Биз бир-биримизни "Челси"даги даврларимиздан бери биламиз ва кўп гаплашардик. Мен унга А Серия жуда қийин эканлигини айтдим. Тактик ва тафсилот нуқтаи назаридан бу ерда Англия Премьер-лигасига қараганда қийинроқ. Пулишич ўзини жамоада яхши ҳис қилмоқда. Умид қиламанки, биз ажойиб мавсум ўтказамиз”, - деди Томори Sky Sport Italia нашрига.

Эслатиб ўтамиз, Италиянинг сўнгги чемпионатида миланликлар тўртинчи ўринни эгаллаган эди. Жамоа Чемпионлар лигасининг гуруҳ босқичига йўлланма олди.