Жозе Моуриньо еврокубоклар мавсуми бошида "Рома"ни бошқара олмайди.
Эслатиб ўтамиз, Моуриньо Европа лигаси финалида "Севилья"га ютқазиб қўйган ўйинда ҳакам Энтони Тейлорни ҳақорат қилгани учун еврокубокларнинг 4 та ўйинига дисквалификация қилинган эди. Ўйиндан сўнг "Рома" бош мураббийи "Пушкаш Арена" автотураргоҳида ҳакамга: "Қандай уят, сен шармандасан" - деб бақирганди.
"Рома" мураббийнинг дисквалификацияси юзасидан апелляция беришга қарор қилди, бироқ муваффақиятга эришмади – УЕФА клубнинг апелляциясини рад этди.
2023/24 йилги мавсумда "Рома" Европа лигасида иштирок этади.
