"Челси" ҳимоячиси Рис Жеймс аёллар ўртасидаги жаҳон чемпионатида Англия – Дания учрашувида ягона гол муаллифи бўлган синглиси Лорен Жеймснинг муваффақияти ҳақида фикр билдирди.

23 ёшли Жеймс ижтимоий тармоқда синглиси билан болаликда тушган суратга Фахрланаман" деб изоҳ берди.

21 ёшли Лорен Жеймс ҳам акаси каби "Челси"да ўйнайди. У аввалроқ “Манчестер Юнайтед” ва Лондоннинг “Арсенал” клублари шарафини ҳимоя қилган. Дания билан ўйинда Жеймснинг ғалаба келтирган голи инглиз аёлларига Жаҳон чемпионатининг 1/8 финалига чиқишига муддатдан аввал йўлланмани қўлга киритишга ёрдам берди. Гуруҳ босқичининг биринчи турида Англия терма жамоаси Гаитини (1:0) ҳисобда мағлуб этди. Ўз гуруҳидаги сўнгги ўйинда инглизлар Хитой термаси билан тўқнаш келишади (1 август).