“Барселона” ҳалигача марказий ҳимоячи Клеман Лангледан қутула олмаяпти. Журналист Габриел Санснинг сўзларига кўра, клуб бу фактдан жиддий хавотирда, чунки футболчи клубдаги энг юқори маошлардан бирига эга – йилига 16 миллион евро.
Лангле ўтган мавсумни "Тоттенхэм"да ижара асосида ўтказган эди. Кампания якунида “шпорлар” франциялик футболчини доимий равишда сотиб олишга тайёр эди, аммо лондонликлар “Барселона”нинг товон пули бўйича молиявий талабларини қондира олишмади.
Клеманнинг ўзи "Барселона"ни тарк этишга тайёр ва ўзи учун янги вариантлар излашда давом этмоқда.
