"Реал" бош мураббийи Карло Анчелотти Килиан Мбаппенинг клубга ўтиши мумкинлиги ҳақидаги саволларни жавобсиз қолдиришда давом этмоқда.
Эслатиб ўтамиз, 24 ёшли Мбаппе "ПСЖ" томонидн трансферга қўйилганди. Лига 1 гранди футболчини шу ёзда сотишни афзал кўрмоқда, у билан бир йилдан кейин текинга хайрлашишни истамайди.
"Мен Мбаппе ҳақидаги саволларга қарши эмасман, шунчаки уларга жавоб бермайман!" - деди Анчелотти матбуот анжуманида.
"Реал Мадрид" устози журналистлардан Мбаппе билан боғлиқ вазият ҳақида сўралганда кейинги саволларга ўтишни сўраганди.
