"Манчестер Сити" ярим ҳимоячиси Матео Ковачич ҳозирги жамоасига қарши ўйинлар қандай бўлгани ҳақида гапирди.
Эслатиб ўтамиз, аввалроқ хорват Лондоннинг "Челси"сида 5 йил ўйнаган ва шу ёзда у "Этиҳад"га тахминан 30 миллион евро эвазига ўтган эди.
"Манчестер Сити" - сифатли жамоа, унга қарши ўйнаш ҳар доим жуда қийин бўлган. Улар тўпни ушлаб туришади, доимо прессинг қилишади. Ҳозир мен шу ердаман ва жамоа нима учун бундай ўйнашини кўряпман.
Ўйинчиларнинг шиддатлилиги жуда юқори, бундан ташқари ҳамма ажойиб профессионаллардан ташкил топган.
Футболчиларга қараб, жамоа нима учун сўнгги йилларда бунчалик муваффақият қозонганини тушунасиз", - дея Ковачичнинг сўзларини келтиради "Манчестер Сити" расмий сайти.
