"Ренн"нинг 19 ёшли ярим ҳимоячиси Лесли Угочукву Лондоннинг "Челси" клубининг қизиқиш марказига тушди.
Журналист Фабрицио Романонинг сўзларига кўра, "аристократлар" аллақачон ёш французнинг трансфери бўйича музокаралар олиб боришмоқда.
Қайд этилишича, агар “Челси” “Ренн” билан келишувга эришса, Угочукву "Страцбург"га ижарага берилиши мумкин.
Лесли Францияда иккинчи Эдуардо Камавинга деб аталмоқда. Угочукву 2021-йилда “Ренн”да дебют қилган ва шундан бери ўзини Франция чемпионатидаги энг истиқболли ёш ярим ҳимоячилардан бири сифатида кўрсатган.