«Манчестер Сити» бош мураббийи Хосеп Гвардиола кучли футболчиларнинг Европадан Саудия Арабистонига кўчиши ҳақида фикр билдирди.
Айтиш жоизки, Саудия клублари жиддий молиявий имкониятлардан фойдаланиб, нафақат қария футболчиларни, балки катта салоҳиятга эга, ёш футболчиларни ҳам ўзига фаол таклиф қилмоқда.
«Саудия Арабистони бозорни ўзгартирди. Криштиану Роналдудан сўнг тез орада бунчалик кўплаб топ-футболчилар Саудияга ўтишини ҳеч ким ўйламаганди.
Келажакда яна кўп нарсалар бўлади ва клублар буни ҳисобга олишлари керак», - деди Гвардиола журналистларга.
«Манчестер Сити» 2023/2024 йилги мавсумдаги илк расмий ўйинини 6 август куни Суперкубокда «Арсенал»га қарши ўтказади.
