«Manchester Siti» bosh murabbiyi Xosep Gvardiola kuchli futbolchilarning Yevropadan Saudiya Arabistoniga ko‘chishi haqida fikr bildirdi.
Aytish joizki, Saudiya klublari jiddiy moliyaviy imkoniyatlardan foydalanib, nafaqat qariya futbolchilarni, balki katta salohiyatga ega, yosh futbolchilarni ham o‘ziga faol taklif qilmoqda.
«Saudiya Arabistoni bozorni o‘zgartirdi. Krishtianu Ronaldudan so‘ng tez orada bunchalik ko‘plab top-futbolchilar Saudiyaga o‘tishini hech kim o‘ylamagandi.
Kelajakda yana ko‘p narsalar bo‘ladi va klublar buni hisobga olishlari kerak», - dedi Gvardiola jurnalistlarga.
«Manchester Siti» 2023/2024 yilgi mavsumdagi ilk rasmiy o‘yinini 6 avgust kuni Superkubokda «Arsenal»ga qarshi o‘tkazadi.
