"Реал Мадрид" бош мураббийи Карло Анчелотти "Барселона"га қарши ўртоқлик учрашувида (0:3) мағлуб бўлгач, ҳужумчи Винисиуснинг ўйинига юқори баҳо берди.

“У янги тизимга яхши мослашади. Винисиус кўпроқ ичкарида ўйнашни яхши кўради. У уч марта дарвоза тўсинига зарба берди ва учрашув қаҳрамонига айланди, аммо гол ура олмади. Одатда 11 метрга зарба берадиган Модрич майдонда йўқ эди. Бу Винисиус, Модрич ёки Родриго бўлиши мумкин", — дея Анчелотти сўзларини келтиради клуб расмий сайти.

Навбатдаги ўртоқлик ўйинида “Барселона” 2 август куни “Милан”га қарши майдонга тушса, “Реал” 3 август куни “Ювентус”га қарши баҳс олиб боради.