Ламин Ямал (Барселона U-19)
Ўнг қанот вингери | 16 ёш
Трансфер нархи: Йўқ
Рейтинг | ФИФА 23 даги потенциал - 67 | 89
Ямалнинг асосий хусусияти қўрқмасликдир: Ламин, ҳар қандай имкониятда, зарбага кўтарилиб, ўйин ритмини эгаллашга ҳаракат қилади. Бу шунчаки ёшликдаги тўп билан ўзини кўрсатиш истаги эмас – Ямал амалда тўпни йўқотмайди ва қўполлик содир бўлган тақдирда ҳам деярли йиқилиб тушмайди (Хави, айниқса, оёқда мустаҳкам туриш қобилиятини алоҳида таъкидлаган). Шу билан бирга, йигитча ўйин ҳолатини тўғри баҳолайди ва агар кейинги ҳаракат умидсиз бўлса, у ҳеч қандай муаммосиз дриблингдан бош тортади ва тўп узатиш орқали ҳужумда давом этади.
Тўлиқ қобилияти, техникаси ва ўйин заковати "Барселона" каби доминант жамоа учун ажойиб имкониятдир. Ламин дарвозани деярли ҳар доим аниқ нишонга олади, лекин жарима майдончаси ташқарисидан зарба беришга берилиб кетмайди - у нозик паслар беришни, қарши ҳужумларни шакллантиришни билади ва босим остида эсанкираб қолмайди. Яратилган вазиятларнинг ажойиб якуни ҳам "Барса" учун бонусдир.
Ла Масиадан чиққан, дриблингга мойил, чап оёқли ўнг қанот вингери Мессини эслатиб юбормоқда. Таққослаш ўз-ўзидан равшан, лекин аслида Ямал Дониэлл Маленнинг такомиллаштирилган версиясига кўпроқ ўхшайди. У иккала қанотда ҳам, ҳужум марказида ҳам ўйнай олади, ўнг қанотда ўйнашни афзал кўради, бунинг устига тезкор дриблингчи. Аммо голландияликдан фарқли ўлароқ, у анча яхши пас беради, позицион ҳужумларда кўпроқ имконият яратади ва ўйинни яхшироқ ўқийди - Каталония мактаби таъсир қилади.
Ямалнинг ўйин услубини кўриб организм бунга бардош бериши қийин дейиш мумкин. У Ансу Фати ва Усмон Дембеле тимсолида футболчини жароҳатлар оламидаги қандай қийин ҳаёт кутиб турганини ҳам ҳис қилиши керак. Йигитчада супер топ бўлиш учун барча имкониятлар мавжуд, аммо бунинг учун у ҳам жисмонан, ҳам руҳий жиҳатдан формадан чиқиб кетмаслиги керак.
Ямал "Барселона" билан 2026 йилгача мўлжалланган шартнома имзолади. Яқин келажакда Ламин, албатта, ҳеч қаерга кетмайди ва аста-секин асосий таркибга жалб қилинган ҳолда Каталония ёшлар жамоасида ўйнайди. Идеал ҳолда, у Гави, Алехандро Бальде ва Ансу Фати билан бирга севимли жамоасида абадий қолиб, клубдаги янги авлоднинг юзига айланиши керак.
