«Челси» бош мураббийи Маурисио Почеттино журналистларга клуб трансферлари ҳақида гапирди.
Лондонликлар таркибни кучайтириш устида ишламоқда. Охирги хабарларга кўра, «Монако»нинг марказий ҳимоячиси Аксель Дисаси билан шартнома имзоланиши тез орада эълон қилиниши мумкин.
«Биз қанча миқдорда янги келганларни жамоага таклиф қилишимиз кераклигини билмайман ва баъзи рақамларни айтсам, кераксиз муаммоларни келтириб чиқаришим мумкин.
Мен учун клуб барча позицияларни мустаҳкамлаш учун астойдил ҳаракат қилаётгани муҳим.
Шубҳасиз, «Челси» марказий ҳимояда ўйинчи сотиб олиши керак, бизда ярим ҳимояда ҳам тажриба етишмайди, аммо бу борада аниқ бир нарса дея олмайман», - дея аргентиналик мураббийнинг сўзларини келтирган журналист Скотт Троттер.
