«Интер» ҳужумчиси Маркус Тюрам Италия ва Германия футболи ўртасидаги фарқлар ҳақида гапирди.
25 ёшли франциялик футболчи июль ойи бошида эркин агент сифатида «нерадзуррилар» сафига ўтган эди. Бунгача ҳужумчи 4 йил давомида Мёнхенгладбахнинг «Боруссия»сида ўйнаган.
«Бундеслига ва А Серия ўртасидаги фарқлар борми? Қаерда бўлсангиз ҳам футбол – бу футбол, лекин Италияда асосий эътибор ўйиннинг тактик томонига қаратилади.
Мен бу ҳақда ўтмишда эшитганман, лекин ҳозир ўзим ҳам бу ҳодисага гувоҳ бўлдим», - деди Милан клуби билан 2028 йилгача шартнома имзолаган Тюрам Gazzetta dello Sport нашрига берган интервьюсида.
