Франция терма жамоаси ва "ПСЖ" ҳужумчиси Килиан Мбаппе "Ливерпул"га ўтмайди. Ижтимоий тармоқларда инсайдер Бен Жейкобснинг ёзишича, мерсисайдликлар 24 ёшли футболчининг трансфери борасида парижликлар билан музокара олиб боришмаяпти.
Аввалроқ матбуотда инглиз гранди Мбаппени кейинги мавсум учун ижарага олмоқчилиги ҳақида хабарлар тарқалган эди.
Килиан келаси йилнинг ёзигача парижлик гигант билан шартнома мажбуриятларига эга. Ҳужумчи янги меҳнат шартномаси тузмаслигини аллақачон маълум қилган. Шу муносабат билан "ПСЖ" раҳбарияти уни ёзда сотмоқчи. “Реал Мадрид” Мбаппе учун асосий даъвогар саналади.
