"Наполи"да ўйнаётган ҳужумкор ярим ҳимоячи Хвича Кварацхелия фаолиятини Англия Премьер-лигасининг топ-клубида давом эттириш имкониятига эга. Бу ҳақда Football Transfers журналистлари хабар бермоқда.
Манбага кўра, грузиялик футболчининг хизматларига Лондоннинг "Арсенал" клуби қизиқиш билдирмоқда. Футболчининг трансфер нархи 85 миллион еврога баҳоланмоқда. Ярим ҳимоячининг неаполликлар клуби билан шартномаси 2027 йилнинг ўрталарига қадар тузилган.
Италия чемпионатининг ўтган мавсумида Кварацхелия 34 та ўйинда қатнашиб, 12 та гол ва 10 та голли узатмани амалга оширди.
