"Барселона" ҳозирда "ПСЖ"га ўтишга яқин турган Усмон Дембеле ўрнига футболчи сотиб олиш учун трансфер бозорига кирмаслиги мумкин. Sport нашри хабарига кўра, франциялик футболчининг ўрнини ўтган мавсумни "Осасуна"да ижарада ўтказган вингер Абде Эззалзули эгаллаши мумкин.
“Барселона” Дембелени товон пули сифатида 50 миллион еврога сотиши мумкин, бироқ айни пайтда бу сумманинг ярми футболчининг ўзига тегишли. “Кўк-анорранглилар” Усмоннинг ўрнига арзон нархда муносиб ўринбосар топа олишмайди, деб ўйлашмоқда.
Ўтган мавсумда Эззалзули "Осасуна"да ижарада бўлганида Испания чемпионатида 4 та гол ва 2 та голли узатмани амалга оширди.
