"Челси" марказий ҳимоячиси Трево Чалоба Лондон жамоасини тарк этишга тайёр. "Кўклар" Аксел Дисаси билан 45 миллион еврога шартнома имзолашга рози бўлгач, Чалоба жамоани тарк этиш кераклигини тушунди.
Журналист Низар Кинселланинг сўзларига кўра, "Интер" англиялик футболчини трансфер қилишдан манфаатдор, бироқ Симоне Индзаги жамоаси сўралган трансфер суммасидан хавотирга тушмоқда. "Челси" ҳали ҳам Чалоба учун 50 миллион евродан ортиқ талаб қилмоқда.
Эслатиб ўтамиз, "Интер" Франциянинг "ПСЖ" клубига эркин агент сифатида ўтган Милан Шкриньярга ҳали ўринбосар топгани йўқ. Чалоба "Челси" таркибида икки мавсумни Англия Премьер-лигасида ўтказди.
