Уругвайлик машҳур ҳимоячи Диего Годин футболчилик фаолиятини якунлашга қарор қилди. 37 ёшли футболчи Аргентинанинг "Велес Сарсфилд" билан “Хуракан”га (0:1) қарши хайрлашув учрашувини ўтказди. Учрашув якунланганидан сўнг футболчи кўзларида ёш билан майдонни тарк этди.
Европада Диего "Атлетико Мадрид"даги узоқ фаолияти давомида машҳурликка эришди. Уругвайлик футболчи 2010 йилдан 2019 йилгача “матрасчилар” шарафини ҳимоя қилган. У “Вильярреал”, “Интер” ва “Кальяри” клубларида ҳам ўйнаган.
Уругвай терма жамоаси таркибида ҳимоячи 159 та ўйин ўтказиб, 8 та гол урган.
