"ПСЖ" "Манчестер Сити"дан ярим ҳимоячи Бернарду Силвани харид қила олмади. Журналист Алексис Бернарднинг сўзларига кўра, парижликлар жамоаси дастлаб нотўғри йўлдан кетган, бу эса келишувни якунлашига тўсқинлик қилган.
"ПСЖ" португалиялик учун 60 миллион евро таклиф қилган, "Манчестер Сити" эса бунга рад жавобини берган. Манбанинг таъкидлашича, парижликлар трансферни таъминлаш учун барча имкониятларни ишга солгандек ҳис қилмоқдалар, шунинг учун улар Силва билан шартнома имзолашдан воз кечишди.
Бернардуга ҳамон "Барселона" кўз тикмоқда. Каталония клуби Усмон Дембеле сотилган тақдирда яна португалияликни сотиб олишга уриниб кўриши мумкин.
