"ПСЖ" ҳужумчиси Килиан Мбаппе энди шартномасини 2025 йилнинг ёзига қадар узайтириш имкониятидан фойдалана олмайди, бу ҳақда инсайдер Фабрицио Романо ижтимоий тармоқлар орқали маълум қилди.

Манбага кўра, бандни фаоллаштириш муддати 31 июль куни тугаган. Шу тариқа, томонлар ўртасидаги шартнома 2024 йилнинг июнь ойида тугайди.

Олдинроқ Мбаппе жамоадан четлаштирилгани, футболчи "ПСЖ"нинг Япониядаги мавсумолди йиғинига олиб кетилмаган ҳақида хабар берилганди. Парижликлар 24 ёшли футболчини шу ёзда сотишга қарор қилишди. Ҳужумчига даъвогарлар орасида “Реал”, Саудиянинг “Ал-Ҳилол” клублари ва Англия Премьер-лигасининг бир қанча топ-клублари бор.