"Атлетико" клуб раҳбарияти бош мураббий Диего Симеонега шартномани узайтиришни таклиф қилмоқчи.

Аргентиналик мураббий 2011 йилдан бери Мадрид клубини бошқариб келади ва жамоани Европада ўз ўринга эга қилди. Бироқ ўтган мавсумда Симеоне қийин даврни бошидан кечирди ва икки томоннинг йўли ажралиши мумкиндек туюлди.

Симеоне жамоаси эса 2022/23 йилги мавсумнинг иккинчи қисмини ажойиб тарзда ўтказди ва мутахассиснинг кетиши ҳақидаги гап-сўзлар барҳам топди.

Marca нашри хабарига кўра, "Атлетико" октябрь ойида Симеонега янги шартнома таклиф қилади, эҳтимол халқаро танаффус вақтида. Симеоненинг шартномаси 2024 йилнинг ёзига қадар амал қилади ва клуб раҳбари Мигель Анхель Хиль Симеонени 2026 йилга қадар лавозимида қолишини истайди.