Англия премьер-лигасининг 11-туридан ўрин олган марказий учрашувлардан бирида «Манчестер Сити» «Тоттенҳэм»ни ўз уйида қабул қилиб иродали ғалабани қўлга киритди.

Учрашувнинг биринчи бўлимини яхши ўтказган «Тоттенҳэм» футболчилар 21-дақиқада ҳимоячи Колкернинг саъй-ҳаракатлари эвазига ҳисобда олдинга чиқиб олишганди. Иккинчи бўлимда эса «Сити» жонланди ва аввалига Яя Туренинг пасидан кейин Серхио Агуэро ҳисобни тенглаштирди. Иккинчи бўлимда захирадан майдонга тушган Эден Жеко эса 88-дақиқада Давид Сильва билан ажойиб «девор» услубида ҳужум ташкил қилди. Сильванинг заргарона пасидан кейин Эден Жеко тўп киритиб жамоасига муҳим бўлган уч очкони тақдим этди.

Ушбу ғалабадан кейин «Сити» ҳисобидаги очколар сони 25тага етди ва ҳозирча жамоа иккинчи ўринга кўтарилиб олди.

Англия премьер-лигаси
11-тур

МАНЧЕСТЕР СИТИ – ТОТТЕНҲЭМ 2:1 (0:1)
Голлар: Агуэро (21), Джеко (88) – Колкер (21).
Манчестер Сити: Жо Харт, Сабалета, Компани, Настасич (Майкон, 56), Клиши, Яя Туре, Бэрри, Сильва, Тевес (Джеко, 73), Коларов, Агуэро (Хави Гарсия, 90).
Тоттенҳэм: Фридель, Уокер (М. Доусон, 78), Колкер, Галлас, Вертонген, Хаддлстоун, Сандро, Леннон (Нотон, 87), Демпси, Бэйл, Адебайор (Дефо, 80).
Огоҳлантиришлар: Уокер (27), Сабалета (29), Адебайор (76).