"Манчестер Сити" ҳимоячиси Кайл Уокер ўз клуби раҳбариятига жамоа билан шартномасини узайтирмоқчи эмаслигини айтди. Эслатиб ўтамиз, 33 ёшли англиялик футболчининг амалдаги шартномаси келаси мавсум охирида якунига етади.

Журналист Сэм Лининг ёзишича, Уокер ниҳоят "Манчестер Сити" билан шартномасини узайтириш имкониятидан воз кечган. Англиялик футболчи аллақачон "Бавария" билан икки йиллик шартнома шартларини келишиб олган.

Манбанинг хабар беришича, Япониядаги мавсумолди турне доирасидаги юзма-юз учрашув чоғида томонлар мунтазам музокаралар олиб боришган, бироқ келишувга эриша олмаган. “Бавария” ҳали ҳам Уокер учун талаб қилинадиган 15 миллион еврони тўламоқчи эмас.