"ПСЖ" бош мураббийи Луис Энрике "Интер"га қарши ўртоқлик учрашуви ҳақида фикр билдирди. Парижликлар “нерадзуррилар”га 1:2 ҳисобида имкониятни бой берди.
"Биз яхши ўйин ўтказдик. 80-дақиқада олдинда бўлиб, кейин мағлубиятга учраганимиз ҳайратланарли. Лекин охирги учрашувда кўп ижобий нарсаларни кўрдим. Мен мамнунман ва жамоа қандай ривожланаётганини кўриб турибман. Биз атиги уч ҳафта машғулот ўтказдик, ҳали қиладиган ишларимиз кўп", - деди Луис Энрике.
"ПСЖ" навбатдаги назорат учрашувини 3 август куни "Чонбук Моторс" клубига қарши ўтказади.
