"Барселона" бош мураббийи Хави журналистларнинг Усмон Дембеленинг жамоани тарк этиши ҳақидаги саволига жавоб берди.
Олдинроқ франциялик футболчи клубни тарк этиб, "ПСЖ"га ўтиши ҳақида хабарлар тарқалган эди.
"Тўғрисини айтаман, у бизга кетишни истаётганини айтди, унга "ПСЖ"дан таклиф бор ва биз ҳеч нарса қила олмаймиз. Бу мен учун ёқимсиз, лекин бу шахсий қарор.
Биз у ҳақида жуда кўп қайғурардик, аммо бу бозор қонуни, биз улар унга билдирган таклиф билан рақобатлаша олмаймиз, у бизнинг қўлимиздан келмайди", - деди Хави Marca билан суҳбатда.
