Бугун — 2 август санасида Ўзбекистон кубоги 1/8 финалидан жой олган бешинчи учрашув ғолиби ҳам аниқланади. Олдинда бизни яна 3 та беллашув кутиб турибди.
Шунга қарамай, Лига чорак финал учун 5-август куни қуръа ташлайди. Шу куни Суперлиганинг 15-туридан жой олган уч беллашув бўлиб ўтади ва улар бир вақтда — 20:00 да старт олади. Мазкур беллашувларнинг танаффуси вақтида чорак финал қуръаси "Спорт" телеканалида жонли намойиш этилади.
Регламентга кўра, чорак финал иштирокчилари қуръа олдидан тенг ҳуқуқли бўлиб, бунда улар ҳеч қандай саватларга ажратилмайди. Бироқ чорак финални сафарда ўтказиб, ғолибликни қўлга киритган камида икки жамоада ярим финални ўз майдонида қабул қилиш имконияти бўлиши мумкин.
