Бугун, 2 август куни Аёллар ўртасидаги Жаҳон чемпионати – 2023да Ямайка ва Бразилия терма жамоалари тўқнаш келишди. Мельбурндаги (Австралия) "ААМИ Парк – Мельбурн Ректангулар" стадионида "F" гуруҳи 3-тур ўйини бўлиб ўтди.
Бразилияликлар ўйин ва статистик устунликка эга бўлишди, аммо вазиятларни голга айлантира олишмади. Учрашув голсиз дуранг (0:0) билан якунланди.
Шу тариқа, Бразилия терма жамоаси 3 та ўйинда 4 очко жамғарди. Бу 2023 йилги аёллар ўртасидаги жаҳон чемпионатининг плей-офф босқичига чиқиш учун етарли бўлмади. Бразилияликлар гуруҳда Ямайка (5 очко) ва Франциядан (7 очко) кейин учинчи ўринни эгаллади. Бразилия билан бирга гуруҳда бирорта ҳам очко жамғара олмаган Панама терма жамоаси сўнг турнирни тарк этади.
2023 йилги аёллар ўртасидаги Жаҳон чемпионати 20 июлдан 20 августгача Янги Зеландия ва Австралияда бўлиб ўтади. Қўшма Штатлар амалдаги жаҳон чемпиони ҳисобланади. Америкаликлар тўрт марта жаҳон чемпиони бўлишди.
