"Барселона" вингери Усмон Дембеле клубга ўзининг муносабати туфайли жамоани тарк этишни истамаслигини айтди, деб хабар бермоқда AS нашри.
Бош мураббий Хави Дембеле билан суҳбатда: "Мен бу ерда ўйнашда давом этишни ва чемпионликни қўлга киритишни хоҳлайман, аммо соғлом муҳитда" - деган. Шунингдек, у Парижда унга ҳам уч баробар кўп маош таклиф қилинган бўлса-да, пул туфайли "ПСЖ" таклифини қабул қилмаганини таъкидлади.
Усмон жамоадошларидан бирига ҳам бу ҳолат ҳақида гапирган. Жумладан, франциялик футболчи клубда "доимий равишда унга бўҳтон уюштирадиганлар" борлигини, "боши кесилишини кутишни” истамаслигини, шунингдек, "ҳеч ким устидан кулмайдиган жойда ўйнашини" айтди.
"Барселона" ва "ПСЖ" Дембеле трансфери бўйича келишиб олгани ҳақида хабарлар тарқалган.
Усмон "Барселона"да 2017 йилнинг ёзидан бери ўйнаб келмоқда, ўшанда у Дортмунднинг "Боруссия" жамоасидан 135 миллион еврога сотиб олинган эди. Ўтган мавсумда у 35 ўйинда майдонга тушиб, 8 гол ва 9 голли узатмага муаллифлик қилган.
