"Арсенал"нинг украиналик ҳимоячиси Александр Зинченко жамоадоши Уильям Салиба ҳақида фикр билдирди. У жамоадошини Rolls-Royce автомобили билан солиштирган.
"Салиба? Бу Rolls-Royce. Уильям жуда зўр футболчи, у менга ёқади. Лекин ростини айтсам, “Арсенал”га ўтишдан олдин у ҳақида билмагандим. Салиба хато қилмайди. У "Борнмут" дарвозасига гол урганида, мен тиз чўкдим ва у ҳамма нарсага қодирлигини айтдим" - деди Александр Рио Фердинанд подкастида.
Салиба ўтган мавсумда "Арсенал" сафида 33 та ўйинда майдонга тушди. Франциялик ҳимоячи учта гол ва битта голли узатмани амалга оширди.
