Жанубий Корея ёшлар терма жамоаси сардори Ли Чанг Геун (дарвозабон)нинг фикрича, чорак финалда Эрон устида қозонилган 4:1 ҳисобидаги ғалаба, кореяликларнинг ўзига бўлган ишончини оширган. Улар ўзларининг чемпионлик сонини 12тага оширишмоқчи.

Жанубий Корея "В" гуруҳида Ироқдан кейин 2-ўринни эгаллади. Лекин улар чорак финал баҳсида ишончли ҳаракат қилиб, ярим финал йўлланмасини қўлга киритишди. Кореяликлар мусобақада энг кам гол ўтказиб юборган жамоа бўлиб туришибди.

"Якшанба куни Эрон устидан ғалаба қозониш муҳим аҳамиятга эга бўлди. Биз гол уриш учун янада кўпроқ имкониятларга эга бўлдик ва ҳисоб бундан ҳам йирик бўлиши мумкин эди. Бу ҳолат чоршанба оқшомида бизга ижобий таъсир кўрсатади", дейди дарвозабон Ли.

"Ярим финал учун биз рақиб танламаймиз. Ушбу мусобақада ҳар қандай рақибни мағлуб эта олишимизга ишонамиз. Ўзбекистон ярим финалгача етиб келибдими, демак, яхши жамоа", дейди жамоа сардори.

"Пусан И-Парк" клуби дарвозабони яна қуйидагиларни қўшимча қилди:
"Бизнинг ўйин фалсафамиз ўзгармайди. Рақибларимизга қарши жамоавий ўйин намойиш қилишда давом этамиз".