Украина терма жамоаси ва Лондоннинг «Арсенал» клуби ҳимоячиси Александр Зинченко «Манчестер Юнайтед» афсонаси Рио Фердинандга интервью берди.

Хусусан, у ўзига қаратилган танқидларга қандай муносабатда бўлишини айтиб ўтди.

«Менга айтилган танқидий баёнотларга қандай муносабат билдираман? Мен бахтлиман, чунки мен танқидларни яхши кўраман.

Илтимос, мени имкон қадар тез-тез муҳокама қилинг. Яхши ёки ёмонми? Фарқи йўқ? Асосийси, мени муҳокама қилишда давом этинг», - деди украиналик футболчи.

26 ёшли ҳимоячи ўтган мавсумда АПЛда 27 та ўйинда майдонга тушиб, 1 та гол урди, 2 та голга ассистентлик қилди ва 3 та сариқ карточка олди. «Канонирлар» билан биргаликда Англия вицэ-чемпионига айланди.