"Барселона" ҳужумчиси Роберт Левандовски футболчилик фаолиятини якунлаш режалари ҳақида гапирди.

Бу ойда польяк 35 ёшга тўлади. Футболчининг "кўк-анорранглилар" билан шартномаси 2026 йилгача мўлжалланган ва у ҳали фаолиятини якунлаш ҳақида ўйлаб кўрмаган.

"Мен ҳали ҳам ўйнашни ва гол уришни яхши кўраман, ҳали футболни охиригача ўрганмаганман. Мен ҳамма нарсанинг чегараси борлигини биламан, лекин мен ҳали яна узоқ вақт футбол ўйнай оламан деб ўйлайман. Мураббийлик фаолиятим ҳали режаларимда йўқ, лекин эҳтимол мен бу туйғуларни шунчалик соғинаманки, бу масалага муносабатимни қайта кўриб чиқарман”, - дея Левандовскининг сўзларини келтиради журналист Альфредо Педулла.