"Манчестер Сити"нинг янги футболчиси Йошко Гвардиол энди ҳужумчи Эрлинг Холандга қарши ўйнамаслигидан хурсандлигини яширмади.

Хорватиялик ҳимоячи норвегиялик футболчи билан ўтган мавсумда Чемпионлар лигасида, шунингдек, Бундеслигада "Лейпциг" ва "Боруссия" (Д) ўртасидаги 2021/22 йилги мавсумда тўқнаш келган.

"Яхшиямки, энди Холандга қарши ҳимояланишга ҳожат қолмайди. Энди бу ҳақда ташвишланишга ҳожат йўқ" - деди Гвардиол "Манчестер Сити" футболчиси сифатидаги биринчи интервьюсида.

Холанд ўтган мавсумда Чемпионлар лигасининг 1/8 финалининг жавоб ўйинида Гвардиолнинг "Лейпциг" жамоасига қарши ўйинда пента-трикка эришганди.