18 ёшли марказий ҳимоячи Эшли Филлипс Премьер-лигада ўйнаш учун "Блэкберн"ни тарк этди. Истиқболли футболчининг янги клуби Лондоннинг "Тоттенхем" клуби бўлди.
Пойтахт клуби матбуот хизматининг хабар беришича, футболчи билан 2028 йилнинг ўрталаригача амал қиладиган узоқ муддатли шартнома имзоланган.
Филлипс "Блэкберн"нинг асосий жамоасида 14 та ўйинда майдонга тушди. У Англия ёшлар терма жамоасида ўйнаш тажрибасига эга.
"Тоттенхэм" Премьер-лигани сафарда "Брентфорд"га қарши ўйин билан бошлайди. Учрашув 13 август, якшанба куни бўлиб ўтади.
