Шанба куни «Ланс»га қарши ўтказилган ўртоқлик учрашувида «Манчестер Юнайтед» 3:1 ҳисобида иродали ғалабага эришди.
«Қизил иблислар» биринчи голни деярли майдон марказидан ўтказиб юборишди. Ўйиндан сўнг «Манчестер Юнайтед» дарвозабони Андре Онана бунга фикр билдирди.
«Ҳар доим яхшироқ ҳаракат қилиш имконияти мавжуд. Тузатишга ҳаракат қилишимиз керак бўлган баъзи нарсалар бор.
Мен ҳамма нарса учун жавобгарман, айниқса ўтказиб юборган голларимиз учун. Мен дарвоза олдида муҳим одамман, шунинг учун мен барча танқидларни қабул қиламан», деди Онана.
«Манчестер Юнайтед» 14 август куни АПЛ 1-турида «Вулверхэмптон»га қарши баҳс олиб боради.
