Про лига 12-туридан жой олган икки учрашув «Локомотив», «Динамо», «Андижон-СГС» каби жамоаларнинг Ўзбекистон кубоги доирасидаги эҳтимолий ўйинлари сабаб сентябрь ойида ўтказилиши режалаштирилганди, дейилади ПФЛ хабарида.

Режага кўра, Ўзбекистон кубоги 1/8 финал учрашувлари 1, 2, 8, 14, 16 август кунлари бўлиб ўтиши керак эди.

Лига Про лига жамоалари иштирокидаги ўйинларни 1-2 август кунларига белгилагач, мазкур жамоалар ўртада юзага келиши мумкин бўлган танаффус ўрнига расмий учрашувларни 13 августда ўтказишни сўраб мурожаат қилди. Шундан келиб чиқиб, «Локомотив» — «Андижон-СГС» ҳамда «Динамо» — «Машъал» учрашувлари 13 августда ўтиши келишилди.

Қайд этиш керак, Ўзбекистон кубоги билан хайрлашган ёки кубокдаги ўйинлари августнинг бошқа саналарига тайин қилинган Про лига жамоалари 12-турни 2-3 август саналарида ўтказиб бўлишганди.