«Арсенал» футболчиси Александр Зинченко АПЛ ва ўз ватанидаги футбол савиясини солиштирди.
«Украинадан кейин Премьер-лигага мослашишда қийинчилик бўлди. Албатта, мослашиш керак, чунки у ерда футбол бутунлай бошқа даражада. Бу турли сайёралардек гап. Бу ерда сиз майдонда тезроқ қарор қабул қилишингиз керак.
Машғулотларда 100% ишламасанг, ортингда таркибдаги ўрнингни эгаллашга тайёр яна беш нафар футболчи бўлади.
Сиз бунга лойиқ эканлигингизни исботлаш учун ҳар куни бор кучингизни беришингиз керак. Агар камроқ ишласангиз, орқангиздаги йигитлар барчасига тайёр туради», – деди Зинченко.
