Ёзда "Милан"дан "Реал"га ўтган Браим Диас учун АҚШ сафари унча яхши ўтмади.

Браим Мадриднинг мавсумолди тур доирасидаги тўртта учрашувида бор-йўғи 93 дақиқа ўйнади. Агар ярим ҳимоячи "қаймоқранглилар" таркибидан жой олишни истаса, унга берилган ҳар бир имкониятдан максимал даражада фойдаланиши керак.

Асли марокашлик бўлган Испания терма жамоаси аъзоси мавсумолди йиғинда биринчилардан бўлиб Мадридга келиб қўшилди ва дастлабки машғулотлардаёқ мураббийлар штабида таассурот қолдирди. "Милан"га қарши ўртоқлик учрашувида Браим дастлабки дақиқалардан майдонга тушди ва ўзининг энг яхши фазилатларини кўрсатди: қатъиятлилик, индивидуал маҳорат, майдон ва ўйинни кўриш, жарима майдончасидаги тезлик...

Бироқ, бу ҳам ярим ҳимоячига кейинги учрашувларда кўпроқ ўйнашга ёрдам бермади. Натижада, Браим АҚШдаги ўртоқлик ўйинларида 100 дақиқа ҳам майдонга тушмаган мадридликларнинг кучли учлигидан мавсумолди мавсумини якунлади.

Унга мураббийлар штаби кўпроқ ўзини кўрсатиши кераклигини маълум қилди. У ўз позициясида Родригога имкониятни бой бермоқда.